Yil_o‘qituvchisi
G‘oliblar_aniqlandi
208 NAFAR USTOZNING HAR BIRIGA 616 MILLION SO‘MDAN PUL MUKOFOTI BERILADI!
“Yil o‘qituvchisi” tanlovi g‘oliblari aniqlandi!
Prezident tashabbusi bilan joriy etilgan, pedagoglar o‘rtasida ilk bor o‘tkazilgan “Yil o‘qituvchisi” tanlovining g‘oliblari e’lon qilindi!
G‘OLIBLAR QANCHA MUKOFOT OLADI?
Tanlovda 208 ta tuman (shahar) bo‘yicha birinchi o‘rinni egallagan 208 nafar g‘olibning har biriga 616 million so‘mdan pul mukofoti beriladi!
Ya’ni, har bir tuman (shahar) bo‘yicha birinchi o‘rinni egallagan ustoz alohida ravishda 616 million so‘m miqdoridagi mukofot bilan taqdirlanadi.
Ushbu miqdor bazaviy hisoblash miqdorining 1 400 baravariga teng.
TANLOVDA QANCHA PEDAGOG ISHTIROK ETDI?
Joriy yilda o‘tkazilgan tanlovda respublika bo‘yicha 46 ming nafardan ortiq pedagog ishtirok etdi.
Ularning 208 nafari o‘z tuman (shahar) bosqichida birinchi o‘rinni egallab, tanlov g‘olibiga aylandi.
USTOZLAR MEHNATIGA MUNOSIB E’TIROF!
“Yil o‘qituvchisi” tanlovi pedagoglarning kasbiy mahorati, bilim va tajribasini namoyon etishiga imkon yaratadi.
Bunday rag‘batlantirish ustozlarning mehnatini qadrlash, ularning kasbiy rivojlanishini qo‘llab-quvvatlash hamda ta’lim sifatini yanada yuksaltirishga xizmat qiladi.
BARCHA G‘OLIB USTOZLARNI TABRIKLAYMIZ!
“Boshlang‘ich ta’lim” jurnali jamoasi “Yil o‘qituvchisi” tanlovida g‘oliblikni qo‘lga kiritgan barcha ustozlarni samimiy muborakbod etadi!
Sizlarga mustahkam sog‘liq, oilaviy xotirjamlik va kelgusi kasbiy faoliyatingizda ulkan muvaffaqiyatlar tilaymiz!
📋 G‘OLIBLAR RO‘YXATI
“Yil o‘qituvchisi” tanlovi g‘oliblarining to‘liq ro‘yxati bilan quyidagi havola orqali tanishing:
📄 G‘oliblar ro‘yxati bilan tanishish
AZIZ USTOZLAR!
Mazkur quvonchli xabarni keng yoritishda bizga yordam bering!
Postni hamkasblaringiz bilan baham ko‘ring va g‘olib ustozlarni birgalikda tabriklaylik!
“Boshlang‘ich ta’lim” jurnali
